آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مقبوضہ کشمیر، صرف پوسٹ پیڈ موبائل جزوی بحال، انٹرنیٹ بدستور بند

سرینگر (جنگ نیوز،خبرایجنسی) قابض بھارتی حکومت نے مقبوضہ کشمیر میں 72روزبعد صرف پوسٹ پیڈ موبائل فون سروس جزوی طور پر بحال کردی جب کہ انٹرنیٹ سروس بدستور بند ہے۔


غیر ملکی خبررساں ادارے کے مطابق وادی میں تقریباً 40 لاکھ پوسٹ پیڈ صارفین کے لیے سروس بحال کر دی گئی ہے جب کہ 30لاکھ کے قریب پری پیڈ صارفین تاحال سروس سے محروم ہیں ،غیرملکی خبررساں ادارے نےخبر میں بتایا ہے کہ مقبوضہ وادی میں انٹرنیٹ سروس بدستور معطل رہے گی، مقبوضہ وادی میں لینڈ لائن سروس پہلے ہی بحال کی جا چکی ہیں تاہم مقامی شہریوں کا کہنا ہےکہ لینڈ لائن کنکشن مسلسل کام نہیں کر رہے،دوسری جانب بھارت میں سول سوسائٹی کا کہنا ہے کہ کشمیر میں حالات ویسے نہیں ہیں جیسے حکومت پیش کر رہی ہےبلکہ وہاں ایک قسم کی پراسرار خاموشی اور سول نا فرمانی جیسی صورتحال ہے جسے کشمیریوں کے احتجاج کا نیا طریقہ کہا جا رہا ہےجبکہ دوسری جانب حکومت کا دعویٰ ہے کشمیر میں حالات معمول کے مطابق ہیں کہیں بھی کرفیو نافذ نہیں البتہ وہاں اجتماعات پر پابندی ہے اور تعزیرات ہند کی دفعہ 144نافذ ہے۔

دنیا بھر سے سے مزید