آپ آف لائن ہیں
جنگ ای پیپر
جمعہ24؍ ربیع الاوّل 1441ھ 22؍ نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

علی گیلانی کا کشمیریوں کی حمایت پر پاکستان سے اظہار تشکر

مقبوضہ کشمیر کے بزرگ حریت رہنما سید علی گیلانی نے بھارتی مظالم کا شکار کشمیریوں کی مسلسل حمایت پر پاکستان کی سیاسی اور فوجی قیادت اور پاکستانی عوام سے تشکر کا اظہار کیا ہے۔

میڈیا رپورٹس کے مطابق کُل جماعتی حریت کانفرنس کے چیئرمین سید علی گیلانی نے ایک بیان میں کہا کہ کشمیر کا مسئلہ مؤثر اور بھرپور انداز سے دنیا کے سامنے لانے پر وزیراعظم عمران خان کے ممنون ہیں۔

انہوں نے مزید کہا کہ دنیا اور اقوام متحدہ کی طرف سے مقبوضہ کشمیر کے محصور لوگوں کے لیے صرف بیانات کافی نہیں۔

سید علی گیلانی نے یہ بھی کہا کہ اب وقت آگیا ہے اقوام عالم بھارتی مظالم کا شکار کشمیریوں کے لیے اٹھ کھڑے ہوں۔

ان کا کہنا تھا کہ کشمیری بھارت کے شیطانی ہتھکنڈوں اور بھارتی فوج کے جبری تسلط کے خلاف مزاحمت جاری رکھیں گے۔

کل جماعتی حریت کانفرنس کے چیئرمین نے کہا کہ جبری پابندیوں سے بھارت نے کشمیریوں کا عزم مزید مضبوط کر دیا ہے۔

انہوں نے کہا کہ کشمیری آخری سانس تک حقوق کی جنگ لڑیں گے، کشمیریوں پر عائد تمام تر پابندیوں اور مظالم کے باوجود بھارت کی شکست وادی کی دیواروں پر لکھی ہے۔

بین الاقوامی خبریں سے مزید