آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاک اور انڈونیشین بحریہ کی مشترکہ مشق اختتام پذیر

پاک اور انڈونیشین بحریہ کی مشترکہ مشق اختتام پذیر


پاک بحریہ اور انڈونیشین بحریہ کے اسپیشل سروس گروپس کی مشترکہ مشق سی تھنڈرIV- اختتام پذیر ہوگئی ہے۔

ترجمان پاک بحریہ کے مطابق چوتھی سالانہ بحری مشق سی تھنڈر کراچی اور کھلے سمندر میں سات روز تک جاری رہی، جس میں پاک بحریہ کے بحری جہازوں، سی کنگ ہیلی کاپٹرز، اسپیشل فورسز بوٹس نے حصہ لیا۔

مشق کا مقصد اسپیشل آپریشن فورسز کے مابین روابط، آپریشنل تیاری اور پیشہ ورانہ مہارت کا تبادلہ تھا۔ مشق کے دوران انسداد دہشت گردی کے لیے بحیرہ عرب میں میری ٹائم انٹرڈکشن آپریشنز کیے گئے۔

پاک بحریہ کے ترجمان کا کہنا ہے کہ مشق سی تھنڈر پاکستان اور انڈونیشین بحریہ کے مابین مضبوط عسکری تعلقات کی عکاسی ہے۔

مشق کے دوران حاصل کیے گئے پیشہ ورانہ تجربات دونوں بحری افواج کے مابین تعاون کو مزید فروغ دیں گے۔

قومی خبریں سے مزید