آپ آف لائن ہیں
بدھ8؍رمضان المبارک 1442ھ21؍ اپریل 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دفتر خارجہ میں حریم شاہ کے بعد ایک اور ٹک ٹاک اسٹار کی آمد

دفتر خارجہ میں حریم شاہ کے بعد ایک اور ٹک ٹاک اسٹار کی آمد


حریم شاہ کی دفتر خارجہ کی ویڈیو وائرل ہونے کے بعد اب ایک اور مطلوب احمد نامی ٹک ٹاک صارف کی ویڈیو بھی وائرل ہو رہی ہے۔

ٹک ٹاک پر مطلوب احمد  نامی صارف نے بھی دفتر خارجہ میں بنائی گئی ایک ویڈیو اپلوڈ کی ہے۔

اپنی دوسری ویڈیو میں مطلوب نے پی ٹی آئی رہنما کے ساتھ تصویروں کا سلائیڈ شو بھی شئیر کیا۔

واضح رہے کہ گزشتہ دنوں ٹک ٹاک اسٹار حریم شاہ نے مقبول ایپ ٹک ٹاک پر دفتر خارجہ کانفرنس روم میں اپنی چہل قدمی اور صدارتی کرسی پر براجمان ہونے کی ویڈیوز شیئر کیں تو لاکھوں افراد نے ان ویڈیو کو دیکھا۔

یہ بھی پڑھیے: ٹک ٹاک اسٹار سرکاری دفتر کیسے گئیں؟ تحقیقات شروع

مختلف طبقہ فکر سے تعلق رکھنے والے افراد کی بڑی تعداد نے حریم شاہ کی ویڈیو شیئر کرتے ہوئے انتظامیہ کو تنقید کا نشانہ بنایا اور سوال اٹھائے کہ اہم ترین سرکاری دفتر وزارت خارجہ میں رسائی کیوں اور کیسے ممکن ہوئی۔

سوشل میڈیا صارفین نے یہ بھی کہا کہ بھارتی گانوں کے میوزک والی ویڈیوز پاکستان اور قوم کی تضحیک کا باعث بنی ہیں۔

مقبول احمد نے بھی ٹک ٹاک پر شئیر کردہ ویڈیوز میں سے ایک ویڈیو پر بھارتی گانا ہی چل رہا ہے جبکہ دوسرے ویڈیو پر پاکستانی نغمہ’ تم سرخرو ہوگے، تم جو کرو حوصلہ‘ چل رہا ہے۔

قومی خبریں سے مزید