مذاکرات میں ساڑھے 10 بجے تک کا بریک آگیا

حکومتی مذاکراتی کمیٹی اور اپوزیشن کی رہبر کمیٹی کے مذاکرات میں ساڑھے 10 بجے تک کا بریک آگیا ہے۔

اسلام آباد میں حکومتی اور اپوزیشن کی کمیٹیوں نے مذاکرات کے بعد مشترکہ نیوز کانفرنس کی۔

کیا استعفیٰ ساتھ لائے ہیں؟ حکومتی کمیٹی سے سوال

حکومتی مذاکراتی کمیٹی جب اپوزیشن جماعتوں کی رہبر...

حکومتی کمیٹی کے سربراہ پرویز خٹک نے کہا ہے کہ مذاکرات بہت اچھے ماحول میں ہورہے ہیں، امید ہے بہت جلد اچھی خبر ملے گی۔

انہوں نے مزید کہا کہ کافی بہتر ڈسکشن ہوئی، کچھ تجاویز انہوں نے دیں، کچھ ہم نے دیں۔

یہ بھی پڑھیے: استعفے کے معاملے پر ڈیڈ لاک

حکومتی مذاکراتی کمیٹی کے سربراہ نے مزید کہا کہ ابھی مذاکرات میں وقفہ ہے، ساڑھے 10 بجے حکومتی اور اپوزیشن کی کمیٹیاں دوبارہ مذاکرات کریں گی۔

آزادی مارچ ہو کر رہے گا، کنٹینرز اٹھا کر پھینک دیں گے، فضل الرحمٰن

سکھر(نامہ نگار،صباح نیوز)جمعیت علمائے اسلام (ف) کے...

رہبر کمیٹی کے کنوینر اکرم خان درانی نے کہا کہ پرویز خٹک کی قیادت میں حکومت کے سینئر لوگ ہمارے پاس آئے۔

انہوں نے مزید کہا کہ حکومتی مذاکراتی کمیٹی کے ارکان سے بہت اچھی بات ہوئی، انہوں نے اعلیٰ سطح پر مشاورت کے لیے وقت مانگا ہے۔

ذرائع کے مطابق رہبر کمیٹی نے مذاکرات کے دوران اپوزیشن کے چاروں مطالبات تحریری صورت میں حکومتی ٹیم کے حوالے کردیے ہیں۔

ذرائع کے کا کہنا ہے کہ حکومتی ٹیم نے رہبر کمیٹی سے وزیراعظم سے مشاورت کے لیے وقت مانگا ہے، جس کے بعد دونوں کمیٹیاں دوبارہ بیٹھیں گی۔

ذرائع کے مطابق 4 نکاتی مطالبات میں وزیراعظم عمران خان کا استعفیٰ، نئے انتخابات، آئین میں اسلامی دفعات کا تحفظ اور سویلین اداروں کی بالادستی شامل ہیں۔