فرمان الہی
نماز کے اوقات
اسلام آباد( نمائندہ جنگ)کرتارپور راہداری کا کل افتتاح ،پاکستان نے پاسپورٹ کی شرط ایک سال کیلئے ختم کردی،دفترخارجہ کے ترجمان ڈاکٹر فیصل نے کہاہےکہ بابا گرونانک کے 550ویں سالگرہ کے موقع پر حکومت پاکستان نے کرتار پور آنے والے سکھ یاتریوں کیلئے خصوصی مراعات کا اعلان کیا ہے.
ڈاکٹرفیصل نے ہفتہ وار پریس بریفنگ کے دوران کہا کہ یاتریوں کیلئے اعلان کردہ ان تمام مراعات کے بارے میں بھارتی حکومت کو آگاہ کر دیا گیا ہے، کرتار پور میں بابا گرونانک کی زیارت کیلئے بھارت سے پاکستان آنے والے یاتری اسی روز واپس اپنے ملک چلے جائیں گے۔ اس وقت یاتریوں کی متوقع تعداد 5ہزار ہے لیکن امید ہے کہ اس سے زیادہ تعداد میں زائرین آئیں گے۔ انہوں نے بتایا کہ مختلف ممالک میں موجود پاکستانی سفارتخانوں نے بھی ہزاروں سکھوں کو گرونانک کے جنم دن کی تقریبات میں شرکت کیلئے ویزے جاری کیے ہیں، جاری کردہ ویزوں کی تعدد 10ہزار ہوگئی ہے۔ تقریبات میں شرکت کیلئے خصوصی طور پر نوجوت سدھو کو ویزا جاری کردیا گیا ہے،پاکستان کرتارپور راہداری کے حوالے سے کسی قسم کی منفی سوچ کا سامنا کرنا نہیں چاہتا۔
