کراچی (اسٹاف رپورٹر) لاہور میں دہشت گردی کے واقعہ کے بعد غیریقینی صورتحال کے باعث پاکستان ہاکی فیڈریشن نے پاکستان سینئر اور جونیئرز کے درمیان تین میچوں پر مشتمل سیریز ملتوی کرنے کا اعلان کیا ہے۔ دریں اثنا پاکستان ہاکی فیڈریشن کے صدر بریگیڈیئر (ر) محمد خالد ایس کھوکھر اور سیکرٹری جنرل اولمپئن شہباز سینئر نے ایف ائی ایچ انٹرنیشنل ہاکی امپائر چوہدری کامران شریف کی والدہ کے انتقال پر تعزیت کا اظہار کیا ہے۔ خیال رہے کہ قومی ہاکی ٹیم کے کھلاڑیوں کو اذلان شاہ ہاکی کپ ٹورنامنٹ کی تیاریوں اور میچ کی پریکٹس دلوانے کےلئے سینئر اور جونیئر ٹیموں کے مابین سیریز 29مارچ سے شروع ہونے والی تھی۔
فرمان الہی
نماز کے اوقات
