آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ایس او کا بھاری ہرجانے سے بچنے کیلئے قطر گیس سے معاہدہ

 اسلام آباد (خالد مصطفیٰ) پی ایس او نے بھاری ہرجانے سے بچنے کیلئے ایل این جی کارگوز کو التواء میں ڈالنے کیلئے قطر گیس سے معاہدہ کر لیا۔ 9لاکھ 31ہزار 750ڈالرز کے ہرجانے سے بچنے کیلئے 5ایل این جی کارگوز ایک دو روز کیلئے مؤخر کیا جائے گا۔ پٹرولیم ڈویژن کے ایک اعلیٰ افسر نے اس بات کی تصدیق کر دی ہے۔ انہوں نے کہا کہ ’’ری گیسی فکیشن‘‘ کی رفتار کو سست کیا گیا کیونکہ لائن پیک 5 ارب کیوبک فٹ سے بڑھ گئی جبکہ آخری حد (ریڈلائن) 4.6 ارب کیوبک فٹ ہے۔ جس کی وجہ سے کسی بھی وقت کوئی حادثہ رُونما ہو سکتا ہے۔
اہم خبریں سے مزید