ملتان(پ ر) پنجاب ایجوکیشن فائونڈیشن نے تعلیمی سال2016،17کے لیے پیف سکولوں کو نصابی کتب کی فراہمی کا آغاز کر دیا ہے۔اس حوالے سے ڈیرہ غازیخان اور ملتان میں تحصیل کی سطح پر پیف سکولوں کو نصابی کتب کی فراہمی کے شیڈول کا اعلان کر دیا ہے،ملتان تحصیل میں آ ج 29مارچ تا 2اپریل کے درمیان 336پیف سکولوں میں 4لاکھ40ہزار نصابی کتب تقسیم کی جائیں گی،ڈیرہ غا زی خان اور کوٹ چھٹہ تحصیلوں کے 337پیف سکولوں کو 29مارچ تا یکم اپریل کے درمیان 3لاکھ 54ہزار سے زائد نصابی کتب مہیا کی جائیں گی۔تعلیمی سال 2016،17کے دوران پیف سکولوں میں طالب علموں کو مجموعی طور پر71لاکھ نصابی کتب مفت مہیا کی جائیں گی۔ اس مقصد کے لیے صوبے کے مختلف اضلاع میں 58مقامات کا انتخاب کر لیا گیا ہے دریں اثناء پنجاب ایجوکیشن فائونڈیشن نے سکول پارٹنر ز کو ہدایت کی ہے کہ پنجاب پولیس اور ایک سیلولر کمپنی کے اشتراک سے تعلیمی اداروں میں سنگل کلک ایمر جنسی الرٹ سسٹم کے اجراء کے حوالے سے صوبائی حکومت کے ساتھ تعاون کیا جائے۔
فرمان الہی
نماز کے اوقات
