آپ آف لائن ہیں
پیر12؍ذی الحج 1441ھ 3 اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وینس میں سیلاب کی تباہ کاریوں کے باعث ایمرجنسی نافذ

وینس میں سیلاب کی تباہ کاریوں کے باعث ایمرجنسی نافذ


اٹلی کے شہر وینس میں سیلاب کے باعث مختلف حادثات میں 2 افراد ہلاک جبکہ شہر میں ایمرجنسی نافذ کردی گئی ہے۔

وینس کا مشہور تاریخی مقام سینٹ مارکس اسکوائر بھی سیلابی پانی سے بری طرح متاثر ہوا ہے اور وہاں اب بھی ساڑھے تین فٹ تک پانی جمع ہے ۔

گزشتہ 5 دہائیوں میں آنے والی سب سے بڑے سیلاب کے نتیجے میں وینس کا 80 فیصد حصہ زیرِ آب آگیا ہے جبکہ مختلف حادثات میں اب تک 2 افراد ہلاک ہوگئے ہیں۔

گزشتہ ہفتے بارشوں کے بعد سے پیدا ہونے والی سیلابی لہروں نے تباہ مچا رکھی ہے اور نظام زندگی درہم برہم ہوگیا ہے۔

سیاحتی مقامات، ہوٹلوں اور دیگر عوامی مقامات پر کئی فٹ تک پانی موجود ہے۔

حکام کی جانب سے شہر میں ایمرجنسی نافذ کردی گئی ہے اور پانی کی نکاسی کے لیے شہری ادارے کام میں مصروف ہیں۔

وینس کے میئر کی جانب سے عوام سے عطیات دینے کی اپیل بھی کی گئی ہے، میئر کا کہنا ہے کہ وینس اٹلی کا فخر ہے اور دنیا بھر میں منفرد حیثیت رکھتا ہے۔

حکام کے مطابق موسمیاتی تبدیلیاں شدید اور طوفانی بارشوں کی اہم اور بنیادی وجہ ہیں جس کے باعث وینس میں تقریباً100 سال بعد اتنی شدید بارشیں ہوئی ہیں۔

بین الاقوامی خبریں سے مزید