• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہر کی خو بصورتی کیلئے ہر محکمہ اپنا کردار ادا کرے،کمشنر راولپنڈی

میرا شہر
اسلام آباد
24 نومبر ، 2019
راولپنڈی(نمائندہ جنگ) کمشنر راولپنڈی کیپٹن (ر) ثاقب ظفر نے چیئرمین پی ایچ اے آصف محمود کے ہمراہ راولپنڈی کو ماڈل شہر بنانے کے حوالے سے منعقدہ اجلاس کی صدارت کرتے ہوئے کہا کہ شہر کی خو بصورتی کے لئے ہر سرکاری محکمے کو اپنا کردار ادا کرنا ہے مگر سرکاری محکموں کے ساتھ ساتھ کمیونٹی کے فعال کردار کے بغیر یہ ممکن نہیں۔ انہوں نے ہدایت کی کہ 8سے23 دسمبر تک سری لنکن ٹیم کے کرکٹ ٹور کے لئے سکیورٹی و دیگر انتظامات مکمل کرنے کے ساتھ سا تھ شہر کی تزئین اس طرح سے کی جا ئے کہ آنے والے مہما نوں کا بہتر ین استقبال ہو سکے۔ انہوں نے ہدا یت کی کہ مری روڈ پر تمام لا ئٹنگ و پھولوں کی آرائش کے کا م کو مکمل کیا جائے۔ کمشنر راولپنڈی نے کہا کہ راولپنڈی شہر کی خوبصورتی اور تاریخی حیثیت کی بحالی سمیت تجاوزات کے خاتمے، فوڈ سٹریٹ، لئی ایکسپریس وے، ہول سیل مارکیٹوں کی منتقلی، ویسٹ منیجمنٹ اور ٹریفک کے بہائو کی روانی پر بھی تجاویز زیر غور ہیں۔
تازہ ترین