فرمان الہی
نماز کے اوقات
آرمی چیف قمر جاوید باجوہ کی ملازمت کی مدت میں تو سیع کے خلاف وکلاء کی جانب سے کوئٹہ سمیت بلوچستان بھر میں یوم سیاہ منایا جائے گا، جبکہ وکلاء عدالتوں میں بھی پیش نہیں ہوں گے۔
بلوچستان بار کونسل کے رکن منیر احمد کاکٹر ایڈووکیٹ نے بتایا کہ بلوچستان بار کونسل ،ہائی کورٹ بار ایسوسی ایشن اور کوئٹہ بار ایسوسی ایشن کی اپیل پر جمعرات 28نومبر کو آرمی چیف قمر جاوید باجوہ کی ملازمت کی مدت میں توسیع کے خلاف وکلاء کی جانب سے یوم سیاہ منایا جائے گا ۔
انہوں نے بتایا کہ وکلاء اپنے بازوں پر سیاہ پٹیاں باندھیں گے، جبکہ بار رومز پر سیاہ پرچم لہرائیں گے۔
منیر احمد کاکٹر ایڈووکیٹ نے بتایا کہ جمعرات کو صوبے بھر کے وکلاء عدالتی کارروائی کا بائیکاٹ کریں گے اور کوئی بھی وکیل کسی بھی عدالت میں پیش نہیں ہوگا ۔
