فرمان الہی
نماز کے اوقات
پاکستان میں غذائی قلت پر بننے والی فلم ’تلاش‘ نیویارک میں قائم اقوام متحدہ کے صدر دفتر میں اسکرینگ کے لیے پیش کی گئی۔
’تلاش‘ پہلی پاکستانی فلم بن گئی ہے جس کی اسکریننگ اقوام متحدہ کے ہیڈکوارٹرز میں منگل کی شام کو ہوئی۔
اقوام متحدہ کے ہیڈ کوارٹرز میں اسکرینگ کا انعقاد بچوں کے حقوق پر اقوام متحدہ کے معاہدے کو 30 سال مکمل ہونے کے موقع پر کیا گیا۔
فلم کے ہدایت کار ذیشان خان بھی اقوام متحدہ میں اسکریننگ کے موقع پر موجود تھے۔
اسکریننگ کے موقع پرفلم کے ڈائریکٹر ذیشان خان کے علاوہ اقوام متحدہ کے لیے پاکستان کے مستقل مندوب منیر اکرم، عالمی ادارہ صحت اور یو این ڈی پی کے اعلیٰ عہدیداران موجود تھے۔ شرکاء نے پاکستانی ڈائریکٹر کی اس کاوش کو سراہا۔
تلاش کی کہانی 3 ایسے میڈیکل طالبعلموں کے گرد گھومتی ہے جن کو صوبہ سندھ کے ضلع تھرپارکر کے ایک گاﺅں میں طبی کیمپ لگانے کے لیے بھیجا جاتا ہے،
تینوں میڈیکل طالب علموں کو مقامی وڈیروں کی جانب سے متعدد چیلنجز کا سامنا ہوتا ہے مگر وہ اپنے پیشہ وارانہ فرائض سرانجام دینے میں کامیاب ہوتے ہیں۔
بچوں میں غذائی قلت جیسے اہم اور سنجیدہ موضوع کے علاوہ تلاش میں رومانس، ایکشن اورسسپنس بھی دیکھنے کو ملے گا۔ فلم کی شوٹنگ عمرکوٹ، گُھجو اور مٹھی سمیت دیگر جگہوں پر کی گئی ہے۔
فلم کی کاسٹ میں نعمان سمیع، فاریہ حسن، احمد زیب، سلیم معراج، مصطفیٰ قریشی اور دیگر شامل ہیں۔
فلم تلاش 15 نومبر کو پاکستان میں ریلیز کی گئی تھی۔
