آپ آف لائن ہیں
جنگ ای پیپر
اتوار17؍ ربیع الثانی 1441ھ 15؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کیا آپ کو سردیوں کے دنوں میں جم جا کر ورزش کرنے میں سستی کا سامنا ہے؟ کیونکہ ٹھنڈا موسم باہر نکلنے اور ورزش کرنے کو مشکل بنادیتا ہے۔

موسم سرما میں انسان بمشکل ہی کیلوریز کو کم کرپاتا ہے کیونکہ اس موسم کے دوران گاجر کے حلوے اور مکھن سے بنی چیزوں سے دور رہنا مشکل ہوتا ہے جو وزن میں اضافے کی وجہ بنتے ہیں۔

ایسے میں ورزش نہ کرنے سے آپ کی صحت پر مختلف زاویوں سے منفی اثرات پڑ سکتے ہیں صحت سے متعلق مختلف مسائل بھی پیدا کر سکتے ہیں، تاہم آپ اس غیر ضروری وزن بڑھنے سے بچنے کے لیے آسان کام کرنا چاہتے ہیں؟

اس کا جواب بالکل آسان ہے، ’صرف پانچ منٹ کی دوڑ‘ کیونکہ صرف 5 منٹ کی دوڑ آپ کو صحت سے متعلق ایسے فائدے پہنچا سکتے ہیں جو آپ سوچتے ہیں۔


کیلوریز ختم کرنے میں معاون


کچھ ورزشیں ایسی ہوتی ہیں جو دیگر ورزشوں سے بہتر نہیں ہوسکتیں، ان میں دوڑ لگانا دل کے لیے فائدہ مند ہے اور مکمل جسمانی ورزش بھی ہے۔

بھاگنے سے انسانی جسم سے کیلوریز ختم ہوتیں تاہم اگر آپ وزن میں کمی چاہتے ہیں تو پھر یہ 5 منٹ بھاگ دوڑ آپ کے لیے کافی نہیں ہے۔

اگر آپ اپنا وزن کم کرنا چاہتے ہیں تو آپ کو روزانہ کی خوراک میں لی گئی کیلوریز سے زائد کیلوریز بھاگ کر ختم کرنی ہوں گی۔


مزاج کو بہتر بنانے میں مددگار


وزرش انسانی صحت پر تو مثبت انداز میں اثر انداز ہوتی ہی ہے لیکن ساتھ ساتھ انسانی کی اعصابی صحت کے لیے بھی فائدہ مند ہوتی ہے۔

دوڑ لگانے سے آپ کے مزاج میں تبدیلی رونما ہوسکتی ہے اور یہ ورزش آپ میں دباؤ اور بے چینی کی علامات کو دور رکھتی ہے۔

مقالوں میں اس بات پر روشنی ڈالی گئی ہے کہ ورزش مجموعی طور پر انسانی دماغ کے لیے کتنی فائدہ مند ہے۔

تاہم اب اگر آئندہ آپ کا مزاج خراب ہونے لگے تو آپ اپنے شیڈول میں سے 5 منٹ نکالیں اور دوڑ لگائیں جس کے بعد آپ ذہنی تناؤ میں کمی محسوس کرنے لگیں گے۔


شوگر کنٹرول کرنے میں معاون


جسم میں بلڈ شوگر کی مقدار کو برقرار رکھنا انسانی صحت بالخصوص ذیابیطس کے مریضوں کے لیے انتہائی ضروری ہے۔

5 منٹ کی یہ دوڑ آپ کے جسم میں بلڈ شوگر کو کنٹرول کرنے کا کام کر سکتی ہے، ورزش ایک ذیابیطس کے مرض کے لیے بھی انتہائی ضروری ہے۔

روزانہ 5 منٹ کی دوڑ سے آپ کو کئی ذیابیطس سے متعلق بہت زیادہ فائدے پہنچا سکتی ہے۔


نیند کو بہتر کرنے میں معاون


راحت سے بھرپور نیند ہر انسان کا دن میں دیکھا جانے والا خواب ہوتا ہے جس کی تکمیل کے لیے اکثر اسے دواؤں کا سامنا کرنا پڑتا ہے۔

نیند کی کمی کی وجہ سے بھی صحت پر منفی اثرات پڑنا شروع ہوجاتے ہیں جو بالآخر کسی نہ کسی بیماری کی صورت میں سامنے آتا ہے۔

مناسب نیند اور سونے کا طریقہ کار صحت اور ذہن کے لیے انتہائی مفید ہوتے ہیں، اسی لیے روزانہ 5 منٹ کی دوڑ آپ کو بہتر نیند دلواسکتی ہے۔


بلڈ پریشر کو برقرار رکھنے میں معاون


حالیہ دور میں ہائی بلڈ پریشن بڑے مسائل میں سے ایک بنتا جارہا ہے جس کی وجہ سے امراض قلب کا خطرہ بھی بڑھ جاتا ہے۔

اس کے ساتھ ساتھ ہائی بلڈ پریشر کی وجہ سے صحت سے متعلق کئی مسائل سامنے آتے ہیں، تاہم جیسا کہ پہلے ذکر کیا جاچکا ہے کہ دوڑ لگانا دل کے لیے فائدہ مند ہے جو امراض قلب سے انسان کو دور رکھنے کے ساتھ اس کی بہتری میں معاون ثابت ہوتی ہے۔

اس کی وجہ سے بلڈ پریشر بھی کنڑول میں رہتا ہے۔


نوٹ: یہ ایک معلوماتی تحریر ہے، اپنی بیماری یا صحت سے متعلق مسائل کا حل جاننے کے لیے ڈاکٹر سے رابطہ کریں۔

صحت سے مزید
خاص رپورٹ سے مزید