راولپنڈی (نمائندہ جنگ) ملک بھر کی 465 ماڈل کورٹس نے تین دسمبر کو 3859مقدمات کا فیصلہ سناکر زیرسماعت کیسز میں 834افراد کی شہادتیں بھی قلمبند کرلیں، ڈی جی مانیٹرنگ سیل سہیل ناصر کی رپورٹ کے مطابق 182 ماڈل کریمینل ٹرائل کورٹس نے گزشتہ روز قتل کے 71اور منشیات کے 163مقدمات کا فیصلہ سنایا جبکہ پنجاب میں قتل کے 23اور منشیات کے 80، اسلام آباد میں قتل کے ایک اور منشیات کے2، سندھ میں قتل کے 25اور منشیات کے28، خیبر پختونخوا میں قتل کے 19اور منشیات کے52 جبکہ بلوچستان میں قتل کے 3اور منشیات کے ایک مقدمہ کا فیصلہ ہوا۔ 2مجرموں کو سزائے موت 7کو عمر قید دیگر71 مجرموں کو کل 64سال6 ماہ 20 دن قید اور 3313700روپے جرمانہ کی سزا سنائی گئی۔ اسی طرح پاکستان بھر میں قائم ہونے والی 125سول ایپلٹ ماڈل کورٹس نے مجموعی طور پر 407دیوانی، فیملی اور رینٹ اپیلوں و درخوست نگرانی کے فیصلے کئے دوسری طرف 158 ماڈل مجسٹریٹس عدالتوں نے 3218 مقدمات کا فیصلہ کیا، تمام عدالتوں نے 1045گواہوں کے بیانات قلمبند کئے۔ مجموعی طور پر 180مجرموں کو 151سال 6ماہ اور 14دن قید اور 1886651روپے جرمانہ کی سزا ملی۔
فرمان الہی
نماز کے اوقات
