فرمان الہی
نماز کے اوقات
ٹھٹھہ(نامہ نگار ) نواحی علاقے ور کی رہائشی پہلی کلاس کی طالبہ سات سالہ دعا ملاح گزشتہ روز دو بجے دوپہر گھر سے کھیلنے کے لئے نکلی جس کے بعد شام تک بچی گھر واپس نہی پہنچی۔ تلاش کے بعد بچی کی لاش برہنہ حالت میں قریبی کیلے کے کھیت سے ملی۔ لاش کو پوسٹ مارٹم کے لئے سول اسپتال مکلی منتقل کیا گیا جہاں ابتدائی رپورٹ میں بھی بچی کے ساتھ زیادتی کا بتایا گیا۔ واقعے کے خلاف شہر میں شٹرڈاؤن ہڑتال کی گئی تاہم ایس ایس پی شبیر سیٹھار کی نگرانی میں خصوصی ٹیم نے سخت کوششوں کے بعد بچی کے سگے چچا ارشاد ولاسیو اور اس کے ساتھی سید سکندر شاہ کو گرفتار کرلیا ہے ملزمان نے اعتراف جرم کرتے ہوئے پولیس کو بتایا کہ وہ بچی کو 20 روپے دے کر اپنے ساتھ لے گئے تھے اور زیادتی کے بعد قتل کر دیا۔ پولیس نے بچی کے کپڑے برآمد کر لئے۔ پولیس کے مطابق کپڑے ڈی این اے کے لئے بھجوائے جا رہے ہیں آئی جی سندھ نے ملزمان کی فوری گرفتاری پر ٹھٹھہ پولیس کو شاباشی دی ہے۔
