آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آصف زرداری کی ضمانت خوش آئند ہے، اسفندیار ولی

عوامی نیشنل پارٹی کے صدر اسفندیارولی خان نے کہا ہے کہ سابق صدر آصف زرداری کو طبی بنیادوں پر ضمانت دینا خوش آئند ہے، پشاور سے جاری اپنے ایک بیان میں اے این پی سربراہ نے کہا کہ آصف زرداری کوصحت کےمسائل درپیش ہیں، عدالت کافیصلہ اچھی روایت ہے۔

انکا کہنا تھا کہ ملک کےلئےآصف زرداری کی خدمات ہیں، جن سےانکار ممکن نہیں، سیاسی قیادت کو جیلوں میں رکھنا پرانی روایت ہے، جیل ان کے لئے دوسرا  گھر ہوتا ہے۔

اے این پی سربراہ نے کہا کہ احتساب کےنام پرجاری سیاسی انتقام کےماحول میں ایسا فیصلہ امید کی کرن ہے، انتقامی بنیادوں پر کسی کوجیل بھیجنا اور اسکی صحت کےساتھ کھلواڑ  ناقابل برداشت ہے۔

اسفند یارولی نے کہا کہ ہم آصف علی زرداری کی بہتر صحت کیلئے دعاگو ہیں۔

قومی خبریں سے مزید