آپ آف لائن ہیں
پیر 9؍ شوال المکرم 1441ھ یکم جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

گورنر بلوچستان سے لاہور قلندرز کے سی ای او کی ملاقات

گورنر بلوچستان جسٹس (ر) امان اللّٰہ خان یاسین زئی سے لاہور قلندرز کے سی ای او عاطف رانا نے ملاقات کی ہے، اس موقع پر ہیڈ کوچ و ڈائریکٹر عاقب جاوید بھی اُن کے ہمراہ تھے۔

ملاقات میں گورنر اور سی ای او لاہور قلندرز کے درمیان کوئٹہ میں ہائی پرفارمنس سینٹر کے قیام سمیت کرکٹ کے فروغ سے متعلق امور پر گفتگو ہوئی۔

گورنر بلوچستان نے ہائی پرفارمنس سینٹر کے قیام سے متعلق تعاون کا یقین دلاتے ہوئے کہا کہ بلوچستان میں کھیلوں کی ترقی کے لیے اقدامات کیے جارہے ہیں۔

انہوں نے کہا کہ نوجوانوں کے ٹیلنٹ کو آگے بڑھانے کے لیے سہولیات اور مواقع کی ضرورت ہے۔

لاہور قلندرز کے سی ای او عاطف رانا اور ہیڈ کوچ عاقب جاوید نے آئی ٹی یونیورسٹی کا دورہ بھی کیا، اور یونیورسٹی کے وائس چانسلر انجینئر فاروق احمد سے ملاقات کی۔

کھیلوں کی خبریں سے مزید