آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

علی محمد خان کا مریم اورنگزیب سے طنزیہ سوال

علی محمد خان کا مریم اورنگزیب سے طنزیہ سوال


وفاقی وزیر علی محمد خان نے قومی اسمبلی میں مریم اورنگزیب کی طرف سے اشارہ کرتے ہوئے طنزیہ انداز میں کہا کہ’کیا ان کو غصہ شہباز شریف کا ہے؟ جن کے کرپشن کے کیسز سامنے آرہے ہیں؟

قومی اسمبلی سے خطاب کے دوران علی محمد خان نے کہا کہ امید ہے لندن کانفرنس میں آپ نے ضرور شہباز شریف سے کرپشن اور منی لانڈرنگ کے الزامات پر پوچھا ہوگا۔

انہوں نے کہا کہ ان کو فکر ہے کہ کرپشن کے پیسے جلدی سے جلدی لائے جائیں، آپ فکر نہ کریں، برطانیہ کے این سی اے کے تعاون سے 250 ملین ڈالرز، ایسیٹ ریکوری یونٹ ہی واپس لایا ہے۔

وفاقی وزیر نے کہا کہ ایسیٹ ریکوری یونٹ کے سربراہ وزیراعظم کے معاون خصوصی ہیں، جس میں نیب، ایف آئی اے، ایف بی آر اور اسٹیٹ بینک آف پاکستان بھی شامل ہیں۔

ان کا کہنا تھا کہ گزشتہ مالی سال میں یونٹ نے اپنے بجٹ کا 23 فیصد یعنی 1 کروڑ 53 لاکھ روپے خرچ کیے اور بہت بڑی رقم بچائی۔

علی محمد خان نے یہ بھی کہا کہ رواں مالی سال میں اب تک صرف 82 لاکھ روپے خرچ کیے گئے، شہزاد اکبر کرپشن کے پیسے ریکور کررہے ہیں۔

اس موقع پر علی محمد خان اور مریم اورنگزیب میں تلخ کلامی بھی ہوئی، جس پر اسپیکر قومی اسمبلی اسد قیصر نے دونوں کو چپ کرایا۔

قومی خبریں سے مزید