آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی کی ترقی کیلئے منتخب نمائندوں کا کام نمایاں ہے، ڈپٹی میئر

کراچی (اسٹاف رپورٹر) ڈپٹی میئر کراچی سید ارشدحسن نے کہا ہے کہ کراچی کی ترقی کیلئے منتخب نمائندوں کا کام نمایاں ہے، محدود وسائل کے باوجود بلدیہ عظمی کراچی اور اضلاع کے بلدیاتی نمائندے خدمات انجام دینے میں مصروف ہیں، مزید وسائل دستیاب ہوں توبلدیاتی خدمات کا دائرہ وسیع ہوسکتا ہے،ہماری کوشش ہے کہ شہریوں کو زیادہ سے زیادہ سہولتیں پہنچائیں، وہ چیئرمین بلدیہ شرقی معید انور کے ساتھ صہبا اختر روڈ اور شاہراہ جہانگیر کے درمیان سڑک کی استرکاری کے کاموں کا معائنہ کررہے تھے، سبطین امام بارگاہ، گلشن اقبال سے متصل عائشہ منزل کی جانب جانے والی سڑک کی استرکاری کا کام تیزی سے تکمیل کی جانب گامزن ہے،چیئرمین بلدیہ شرقی نےترقیاتی کاموں کے حوالے سے بتایا کہ ضرورت کے پیش نظر اہم شاہراہوں پر استرکاری کا کام باالترتیب جاری ہے۔

شہر قائد/ شہر کی آواز سے مزید