فرمان الہی
نماز کے اوقات
مسلم لیگ (ن) کی ترجمان مریم اورنگزیب نے کہا ہے کہ ن لیگی رہنماؤں کی جھوٹے مقدمات میں قید ناانصافی ہے ۔
ایک بیان میں مسلم لیگ (ن) کی ترجمان نے کہا کہ سیاسی انتقام پر مبنی جھوٹے مقدمات قائم رکھ کر عمران صاحب کو خوش کیا جارہا ہے۔
انہوں نے کہا کہ ثبوت اور شواہد کے بغیر سیاسی انتقام عوامی نمائندوں کے ساتھ ظلم ہے۔
مریم اورنگزیب نے مزید کہا کہ عمران صاحب جھوٹے مقدمات اور میڈیا ٹرائل کرکے بھی آپ نالائق ہی رہیں گے۔
ان کا کہنا تھا کہ جھوٹے مقدمات میں قید سیاسی رہنماؤں کو رہا کیا جائے، شاہد خاقان، راناثنااللہ، حمزہ شہباز، سعد رفیق، مفتاح اسماعیل کی قید نا انصافی ہے۔
