• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لیاقت باغ کا جلسہ سلیکٹڈ حکومت کو بہا کر لے جائیگا‘ پیپلز پارٹی ضلع راولپنڈی

میرا شہر
اسلام آباد
23 دسمبر ، 2019
راولپنڈی (اپنے رپورٹر سے) پاکستان پیپلز پارٹی ضلع راولپنڈی کے عہدیداران نے کہا ہے کہ 27دسمبر کا جلسہ سلیکٹڈ حکومت کو بہا کر لے جائیگا‘ 12سال بعد راولپنڈی لیاقت باغ کا جلسہ تاریخی ہو گا۔ پیپلز پارٹی کے کارکن اور خطہ پوٹھوہار کے جیالے اپنے محبوب قائدو چیئرمین بلاول بھٹو کا استقبال کرینگے۔ جلسہ کی تیاریاں اپنے عروج پر ہیں‘ استقبالیہ کیمپ لگائے جائیں گے‘ کارکن جوش اور جذبے کے ساتھ تیاریاں کر رہے ہیں۔ ان خیالات کا اظہار پیپلز پارٹی ضلع راولپنڈی کے صدر چوہدری ظہیر محمود، سابق صدر ضلع راولپنڈی شوکت عباسی، ضلعی صدر شعبہ خواتین سمیرا گل، صدر تحصیل راولپنڈی راجہ منصور اختر، ضلعی انفارمیشن سیکرٹری محمد شاہد، شفقت عباسی، جبار ستی، طاہر بٹ اور دیگر نے ضلعی آفس میں پریس کانفرنس کرتے ہوئے کیا۔ چوہدری ظہیر محمود نے کہا کہ خطہ پوٹھوہار کے باسی جاگ چکے ہیں‘ حکومت نے عوام سے جو وعدے کئے کسی ایک پر بھی عمل نہیں کیا۔
تازہ ترین