• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی میں آتشزدگی کے دو واقعات ، لاکھوں کاسامان خاکستر

میرا شہر
اسلام آباد
24 دسمبر ، 2019
راولپنڈی (سٹاف رپورٹر) راولپنڈی کے مختلف علاقوں میں لکڑی اورپرانی گاڑیوں کے گوداموں میں آتشزدگی سے لاکھوں روپے کا سامان جل گیا۔ ریسکیو1122کے مطابق گلاس فیکٹری چوک گلی نمبر12میں قبرستان کے قریب محمدسلطان کےپرانی گاڑیوں کے سپئیرپارٹس کےایک گودام میں شارٹ سرکٹ کے باعث آگ لگ گئی۔ جہاں ریسکیوعملے نے چالیس منٹ کے فائرفائٹنگ آپریشن کے بعدآگ پرقابوپالیا آتش زدگی سے 11لاکھ روپے مالیت کاسامان جل گیا۔آتشزدگی کادوسراواقعہ چاہ سلطان کے علاقہ میں پیش آیاجہاں اعجازخان اورمحب شاہ کے لکڑیوں کے گودام میں شارٹ سرکٹ سے آگ بھڑک اٹھی ۔ اطلاع ملنے پر ریسکیو1122کی گاڑیاں اور آگ بجھانے والا عملہ موقع پرپہنچ گیا اوراڑھائی گھنٹے کی فائرفائٹنگ کے بعدآگ پرقابو پالیا گیا۔ ریسکیوترجمان کے مطابق آتش زدگی سے 20لاکھ روپے کانقصان ہوا۔
تازہ ترین