فرمان الہی
نماز کے اوقات
اسلام آباد(نمائندہ جنگ) وفاقی وزیر ریلوے شیخ رشید نے کہا ہے کہ لندن جا کر نواز شریف کی پلیٹیں ٹھیک ہوگئیں، بلاول بھٹو زرداری کو کہا ہے کہ ” بچے‘‘ ہوئے ہو تو ”بچ‘‘ کے کھیلو، عمران خان احتساب خان ہے سب کا احتساب کریگا، ان 17ماہ میں سب سے زیادہ سازشیں کی گئیں، عمران خان کہیں نہیں جا رہے۔
انہون نے کہا کہ آپکی سیاست ختم ہورہی ہے ،آپ نے ملک کو نہ لوٹا ہوتا تو ملک کے اتنے مسائل نہ ہوتے، سن لو میں بلاول کے جواب میں لاڑکانہ جلسہ کروں گا، مریم نواز کو بیرون ملک جانے کی اجازت نہ دینے کا فیصلہ متفقہ تھا، کابینہ میں نوازشریف کو بیرون ملک جانے کیلئے 16ووٹ دیئے گئے، دنیا کے کسی نظام میں لاش کو لٹکایا نہیں جاتا۔
راولپنڈی میں کرسمس کی تقریب سے خطاب کرتے ہوئے شیخ رشید نے کہا کہ آج بھارت کا تمام مسلمان پاکستان کی طرف دیکھ رہا ہے۔بھارت نے میزائل بھی لگا دیئے ہیں، کسی بھی وقت حملہ کر سکتا ہے،، پورا بھارت مودی کیخلاف اور آزادی کیلئے باہر نکل آیا ہے۔
شیخ رشید نے کہا کہ پیپلز پارٹی ملک بھر سے کارکن لائے انکے پاس بہت حرام کا مال ہے، جیالے 10 دن کا خرچہ لیکر راولپنڈی آئیں۔
