میامی(جنگ نیوز) عالمی نمبر ایک نوواک جوکووچ اور جمہوریہ چیک کے ٹام برڈیچ،جاپان کےکائی نیشکوری،فرانس کے گائلزسمنز،بیلا روس کے ڈیوڈ گوفن اورفرانس کے گیل مونفلز نے میامی اوپن ٹینس ٹورنامنٹ کے پری کوارٹر فائنل میں سرخرو ہوگئے۔ رومانیہ کی سائمونا ہیلپ اورروس کی ایکترینا مکارووااپ سیٹ شکست کھا کر ٹورنامنٹ سے باہر ہوگئیں۔ روس کی نامور ٹینس اسٹار سوتیلانا کزنٹسوا اور سوئٹزرلینڈ کی ٹمیا باسنزکی نے سیمی فائنل میں رسائی حاصل کرلی۔ میامی میں کھیلے گئے مینز سنگلز کے پری کوارٹر فائنل میچ میں عالمی نمبر ایک نوواک جوکووچ نے انتہائی شاندار کارکردگی کا مظاہرہ کرتے ہوئے آسٹریا کے ڈومنک تھیم کو اسٹریٹ سیٹس میں شکست دی، ان کی جیت کا اسکور 6-3 اور 6-4 رہا۔ ایک اور میچ میں جمہوریہ چیک کے ٹام برڈویچ نے فرانس کے رچرڈ گیسکٹ کو 6-4، 3-6 اور 7-5 سے شکست دیکر ایونٹ کے کوارٹر فائنل کے لئے کوالیفائی کرلیا۔ فرانس کے گائلزسمنز نے ہم وطن ایل پاؤلی کوکیخلاف 1-6 اور0-6 سے کامیابی حاصل کی۔ جاپان کےکائی نیشکوری نے یکطرفہ مقابلے میں اسپین کے باٹسٹااگوٹ کو شکست دی۔ دیگر میچز میںفرانس کے گائلزسمنزنے ہم وطن لوکاسی پویلی،فرانس کے گیل مونفلزنے بیلاروس کے گریگورڈمتروف ،مائلس راؤنک نےبوسنیا کے ڈمیر زومہرنے اپنے اپنے میچز جیت لیے۔ویمنز سنگلز ایونٹ کے کوارٹر فائنل راؤنڈ میں روس کی نامور ٹینس ا سٹار سوتیلانا کزنٹسوا نے سخت مقابلے کے بعد ہم وطن ایکترینا ماکاروا کو 6-7(3-7)، 6-4 اور 6-3 سے ہرا کر ایونٹ کے سیمی فائنل تک رسائی حاصل کی۔ دوسرے کوارٹر فائنل میں سوئٹزرلینڈ کی ٹمیا باسنزکی نے رومانیہ کی سائموناہیلپ کو پہلے سیٹ میں 4-6 کی شکست کے باوجود اگلے دونوں 6-3 اور 6-2 سے شکست دیکر ایونٹ کے سیمی فائنل کےلئے کوالیفائی کرلیا۔روس کی مارگاریٹا گااسپارین اور انکی رومانیہ کی جوڑی دار مونیکا نیکولسکیو میامی اوپن ٹینس ٹورنامنٹ کے ویمنز ڈبلز کے سیمی فائنل میں پہنچ گئیں۔دونوں کھلاڑیوں نے روس کی الا کدریٹسیوا اور انکی امریکن جوڑی دار وانیا کنگ کو ٹائٹل کی دوڑ سے باہر کردیا۔
فرمان الہی
نماز کے اوقات
