• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول زرداری جتنی مرضی بھڑکیں ماریں انہیں کچھ نہیں ملنےوالا،اعجازچوہدری

میرا شہر
لاہور
29 دسمبر ، 2019
لاہور(خصوصی رپورٹر)پی ٹی آئی سنٹرل پنجاب کے صدر اعجازاحمدچوہدری نے کہا ہے کہ بلاول زردار ی جنتی مرضی بھڑکیں مار لیں انہیں کچھ نہیں ملنے والا، پیپلزپارٹی پنجاب سے بُری طرح مسترد ہوچکی ہے اور آئندہ انتخابات میں یہ سندھ سے بھی مسترد ہو جائے گی، لاڑکانہ کی شکست سے پیپلزپارٹی کو سبق حاصل کرنا چاہئے اور الزام تراشیوں کا سلسلہ بند کرنا چاہئے، سندھ میں پیپلزپارٹی کو حکومت میں مسلسل 12واں سال ہے، مگر سندھ کی عوام کے حالات پہلے سے بھی بدتر ہوچکے ہیں، بلاول زرداری دوسروں پر بلاجواز تنقید کرنے کی بجائے سندھ میں کچھ کر کے دکھائیں ۔ان خیالات کا اظہاراعجازاحمدچوہدری نے گذشتہ روز اپنے انتخابی حلقہ این اے 133، یوسی 225 میں سیوریج، واٹر سپلائی لائنوں اور سٹریٹ لائٹس و دیگر ترقیاتی کاموں کے افتتاح کے موقع پرکیا، جبکہ اس موقع پر شبیرسیال، فیاض بھٹی، عبدالکریم کلواڑ،عمران مانا، محسن شاہ، راناقیصر، آفتاب افگن، علی رضانقوی، محمد علی مہر، رضوان،چوہدری ذوالفقار ایڈووکیٹ، منفرگوندل، فرخ امین سمیت بڑی تعداد میں کارکنان اور اہل علاقہ بھی موجود تھے ۔
تازہ ترین