فرمان الہی
نماز کے اوقات
موسم سرماکی تعطیلات ختم ہونے کے بعد حیدرآباد اور سکھر میں اسکول کھل گئے، سردی کی وجہ سے حاضری کم رہی۔
حیدرآباد میں شدید سردی میں اسکول کے پہلے روز بچوں کی حاضری نہ ہونے کے برابر رہی، موسم سرما کی تعطیلات کے بعد پہلے دن گورنمنٹ گرلز ہائی اسکول لطیف آباد میں صرف ایک ہی طالبہ حاضر ہوئی۔
دوسری جانب سکھر میں بھی تعطیلات کے بعد اسکول کھل گئے ہیں اور پہلے روز سخت سردی اوردھند کے باعث اسکولوں میں طلباء کی حاضری کمی رہی۔
اس موقع پر طلباء کا کہنا تھا کہ سردی بہت زیادہ ہے تعطیلات بڑھانی چائییں تھیں۔
واضح رہے کہ کراچی میں موسم سرما کی تعطیلات کے بعد آج سے اسکولوں کو کھولنے کا فیصلہ کیا گیا تھا لیکن بیشتر نجی اسکولوں نے اسکول بند رکھنے کا فیصلہ کیا ہے۔
