ملتان(اے پی پی )پولیس ٹریننگ سکول ملتان میں 52ویں پاسنگ آؤٹ پریڈمنعقد ہوئی،1122پولیس کے جوانوں نے اس پاسنگ آؤٹ پریڈمیں حصہ لیا،تربیت مکمل کرنے والے ان جوانوں نے دہشت گردی سے نمٹنے کاعملی مظاہرہ بھی کیا،بتایاگیاہے کہ پولیس ٹریننگ سکول ملتان میں پچھلے8ماہ سے تربیت مکمل کرنےوالے 1122رنگروٹس کی پاسنگ آؤٹ پریڈہوئی،پنجاب کے مختلف اضلاع ملتان،راجن پور،بہاولپور،رحیم یارخان ،اوکاڑہ ،لاہور ،خانیوال،فیصل آباداوردیگراضلاع سے آئے ہوئے رنگروٹس نے 6ماہ کی تربیت حاصل کی ،جبکہ دوماہ کی خصوصی تربیت انہیں دہشت گردی سے نمٹنے کی دی گئی ،اس موقع پر جوانوں نے اس عزم کااظہارکیاکہ وہ دہشت گردی سے نمٹنے کیلئے تیارہیں،مہمان خصوصی ایڈیشنل آئی جی ٹریننگ کیپٹن (ر)محمدعثمان نے ان سے سلامی لی ۔
فرمان الہی
نماز کے اوقات
