فرمان الہی
نماز کے اوقات
کوئٹہ(جنگ نیوز)کوئٹہ جیل میں پولیس کارروائی، قیدیوں کے پاس سے خزانہ نکل آیا۔
25ٹی وی، 300موبائل فون، ہیروئن ودیگر ممنوعہ سامان برآمد، پسند کے کھانے بنانے کا انکشاف، گزشتہ رات ڈسٹرکٹ جیل میں انتظامیہ نے بڑے پیمانے پر سرچ آپریشن کیا اور اس دوران جیل کی تمام بیرکوں اور ان میں موجود قیدیوں کی تلاشی لی گئی۔
سرچ آپریشن میں قیدیوں سے 25ٹیلی وژن، 300موبائل فون، ہیروئن، شیشہ اور چرس سمیت 2ٹرک دیگر ممنوعہ سامان برآمد کیا گیا۔
انتظامیہ کے مطابق آپریشن کے دوران انکشاف ہوا کہ ڈسٹرکٹ جیل کوئٹہ میں موجود قیدی جیل میں اپنی پسند کے کھانے بھی کھاتے تھے اور مختلف بیرکوں سے بڑی تعداد میں چولہے اور برتن بھی برآمد کئے گئے۔
اس موقع آئی جی جیل بلوچستان یوسف ملک نے بتایا کہ گرینڈ سرچ آپریشن چیف جسٹس بلوچستان ہائیکورٹ کی ہدایت پر کیا گیا۔
