فرمان الہی
نماز کے اوقات
وزیراعظم عمران خان نے کہا ہےکہ پاکستان اپنی سرزمین کسی کے خلاف استعمال ہونے کی اجازت نہیں دے گا۔
امریکا اور ایران کے درمیان بڑھتی ہوئی کشیدہ صورت حال کے پیش نظر وزیراعظم عمران خان نے آج ہنگامی مشاورتی اجلاس طلب کیا جس میں وفاقی وزرراء اور پی ٹی آئی کے سینئر اراکین نے شرکت کی۔
اجلاس میں وزیر خارجہ شاہ محمود قریشی نے مشرق وسطیٰ کی تازہ صورتحال اور ایرانی ہم منصب سے ہونے والی بات چیت سے آگاہ کیا۔
اجلاس میں فیصلہ کیا گیا کہ پاکستان خطے میں کشیدگی کو کم کرنے کے لیے کردار ادا کرے گا اور اپنی سرزمین کسی کے خلاف استعمال ہونے کی اجازت نہیں دے گا۔
مشاورتی اجلاس میں آرمی ایکٹ ترمیمی بل میں پیشرفت کا جائزہ بھی لیا گیا اور ملکی سیاسی و معاشی صورت حال پر بھی گفتگو کی گئی۔
واضح رہے کہ گزشتہ روز پاک فوج کے ترجمان میجر جنرل آصف غفور نے بھی اپنے ایک بیان میں کہا تھا کہ پاکستان خطے میں امن خراب ہونے والے کسی بھی عمل کا حصہ نہیں بنے گا اور پاکستانی سرزمین کسی کے خلاف بھی استعمال نہیں ہونے دیں گے۔
