آپ آف لائن ہیں
جنگ ای پیپر
منگل2؍جمادی الثانی 1441ھ 28؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

آئی جی سندھ کی تبدیلی، کابینہ سے منظوری کی وجہ کون؟

آئی جی سندھ کی تبدیلی، کابینہ سے منظوری کی وجہ کون؟


آئی جی سندھ کلیم امام کی تبدیلی کی کابینہ سے منظوری کی وجہ کون بنا؟ کیا حتمی فیصلے کی وجہ صوبائی وزیر تیمور تالپور ہیں؟

ذرائع کے مطابق سندھ کابینہ کے آئی جی سندھ کی تبدیلی کے فیصلے کی وجہ تیمور تالپور کے خلاف مقدمہ بنا ہے ۔

عمر کوٹ سے تعلق رکھنے والے رکن سندھ اسمبلی تیمور تالپور کے خلاف مقدمہ کنری تھانے میں درج ہوا تھا۔

تیز گام میں آگ لگنے کے واقعے کے بعد اپوزیشن لیڈر سندھ اسمبلی فردوس شمیم نقوی اورپی ٹی آئی رہنما حلیم عادل شیخ تعزیت کےلیے عمر کوٹ گئے تھے،جہان ان پر حملہ ہوا۔

پولیس نے حملے کا مقدمہ بھی پی ٹی آئی رہنماؤں کے خلاف ہی درج کردیا تھا۔

پی ٹی آئی رہنماوں نے صوبائی وزیر تیمور تالپور کے خلاف مقدمے کے لیے عدالت سے رجوع کیا تھا ۔

عدالت کے حکم پر تیمور تالپور کے خلاف مقدمہ درج ہوا ،مقدمے میں ایس پی عمر کوٹ کو بھی نامزد کیا گیا۔

ذرائع کے مطابق صوبائی وزیر کے خلاف مقدمے نے صوبائی کابینہ کو آئی جی سندھ کلیم امام کی تبدیلی کے حتمی فیصلے پر مجبور کیا ۔

قومی خبریں سے مزید