لیٹر آف ایڈمنسٹریشن اینڈ سیکسیشن سرٹیفکیٹ بل کثرت رائے سے منظور

اسلام آباد(نمائندہ جنگ)سینیٹ قائمہ کمیٹی قانون و انصاف نے لیٹر آف ایڈمنسٹریشن اینڈ سیکسیشن سرٹیفکیٹس بل 2020کو کثرت رائے سے منظورکر لیا، کہا گیا کہ پاکستان کے عوام کو اس کی ضرورت ہے وراثتی سرٹیفکیٹ کے حصول کے لئے لوگوں کو کئی کئی سال لگ جاتے ہیں۔کمیٹی کا اجلاس جمعہ کو جاوید عباسی کی زیر صدارت ہوا۔ اجلاس میں لیٹر آف ایڈمنسٹریشن اینڈ سیکسیشن سرٹیفکیٹس بل 2020، لیگل ایڈ اینڈ جسٹس اتھارٹی بل 2020کے علاوہ سراج الحق کی طرف سے 20جنوری 2020کو سینیٹ اجلاس میں پیش کئے گئے آئینی ترمیم بل 2020کا تفصیل سے جائزہ لیا گیا۔