سیالکوٹ(نمائندہ جنگ ) ڈسٹرکٹ کوالٹی کنٹرول بورڈ سیالکوٹ کے اجلاس سے خطاب کرتے ہوئے ای ڈی او ہیلتھ سیالکوٹ ڈاکٹر جاوید وڑائچ نے بتایا کہ ضلع سیالکوٹ میں بغیر ڈرگ سیل لائسنس ،ممنوعہ اور زائد المیعاد ادادویات فروخت کرنے کی پاداش میں گذشتہ2ماہ کے دوران ضلع سیالکوٹ میں 12میڈیکل سٹوروں کو سیل کیا گیا۔ اجلاس میں ڈرگ کنٹرول ایکٹ کی خلاف ورزی کے مرتکب افرادکو ڈی سی کیو بی کے سامنے پیش کیا گیا۔ ڈی او سی سیالکوٹ عبدالسلام عارف نے کہاکہ حکومت پنجاب کی ہدایت کے مطابق جعلی ادویات کی فروخت کے غیر قانونی میڈیکل پریکٹس کرنے والے عناصر کا سختی سے محاسبہ کیا جائے گا اور کسی کو انسانی جانوں سے کھیلنے کی اجازت نہیں دی جائے گی ۔ انہوں نے محکمہ صحت کے مقامی حکام کو تلقین کی کہ وہ غیر قانونی میڈیکل اسٹوروں اور جعلی کلینکس کے خلاف قانون کے مطابق کارروائی عمل میں لائیں۔ اجلاس میں ڈسٹرکٹ ڈرگ کنٹرولر سیالکوٹ، سیکرٹری ڈی کیو سی بی سیالکوٹ نوید سرور، ڈرگ انسپکٹر محمد عامر، شہزاد احمد اورمحمداویس نے شرکت کی ۔
فرمان الہی
نماز کے اوقات
