آپ آف لائن ہیں
جمعہ3؍رجب المرجب 1441ھ 28؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

شہباز شگری نے آئمہ سے تعلق کی خبر کی تصدیق کردی


پاکستانی گلوکارہ آئمہ بیگ اور ماڈل شہباز شگری کی دوستی کے چرچے پہلے ہی زبان زد عام تھے تاہم دونوں کی حالیہ تصویر اور اس پر تبصرہ قریبی تعلق کی خبروں کی تصدیق کرتی نظر آرہی ہے۔

سماجی رابطے کی ویب سائٹ انسٹاگرام پر لاس اینجلس میں موجود دونوں فنکار خوش و خرم نظر آرہے ہیں ۔ شہباز شگری نے اپنی والہانہ محبت کا اظہار کرتے ہوئے آئمہ بیگ کے لیے ایک طویل کیپشن لکھا۔


تصویر کے کیپشن میں شہباز نے آئمہ کے لیے اصطلاح ’بیٹر ہاف‘ کا استعمال کیا عموماً جوڑا آپس میں ایک دوسرے کے لیے استعمال کرتا ہے۔

یہ بھی پڑھیے: ’بھارت سے کام کرنے کی آفر آئی تو حیران رہ گئی‘

شہباز کے اس کیپشن کے بعد سے مداحوں کی جانب سے سامنے آنے والے تبصروں میں کہا جارہا ہے کہ دونوں اپنے تعلق کو مزید نہیں چھپانا چاہتے۔

آئمہ نے بھی اپنے اکاؤنٹ سے یہ تصویر شیئر کی۔

View this post on Instagram

Rollin’ with the homie @shahbazshigri

A post shared by Aima Baig (@aima_baig_official) on


ساتھی اداکاروں اور شوبز انڈسٹری سے وابستہ شخصیات نے دونوں کی تصویر پر اپنی محبت کا اظہار کیا۔

 24 سالہ گلوکارہ آئمہ بیگ نے اپنے ایک حالیہ انٹرویو میں بتایا تھا کہ ان کے ہونے والے شوہر کا تعلق بھی شوبز کی دنیا سے ہے تاہم انہوں نے نام بتانے سے گریز کیا تھا۔

آئمہ بیگ گلوکاری کے میدان میں اپنا لوہا منوا چکی ہیں جبکہ اسلام آباد سے تعلق رکھنے والے شہباز شگری ماڈلنگ کے ساتھ ساتھ اداکاری بھی کرچکے ہیں، ان کی شادی اداکارہ عائشہ لینیا سے ہوئی تاہم ان کے درمیان جون 2018 میں طلاق ہوگئی۔

انٹرٹینمنٹ سے مزید