فرمان الہی
نماز کے اوقات
اسلام آباد (وقائع نگار ) پیپلز پارٹی کی مرکزی ڈپٹی سیکریٹری اطلاعات پلوشہ خان نے مطالبہ کیا کہ سانحہ تیزگام کی تحقیقاتی رپورٹ کو وزیر ریلوے شیخ رشید کے خلاف ایف آئی آرمیں تبدیلی کرکے انہیں وزارت سے برطرف کیا جائے اور حادثے کے حوالے سے مجرمانہ غلط بیانی پر مقدمہ چلایا جائے۔ ایک بیان میں پلوشہ خان نے کہا کہ وزیر ریلوے نے جھوٹ اور فریب کے ذریعے حادثے کی ذمہ داری سانحہ سے متاثرین پر ڈالنے کی شرمناک حرکت کی تھی۔ انہوں نے کہا کہ شیخ رشید سیاست پر داغ اور وزارت چلانے کی اہلیت نہیں رکھتے۔ شیخ رشید کی ڈھٹائی پر کوئی شک نہیں ہے وہ مستعفی نہیں ہوں گے اور نہ ہی غلط بیانی پر معافی مانگیں گے۔ انہوں نے کہا کہ شیخ رشید پر سانحہ تیزگام میں جاں بحق افراد کے قتل کا مقدمہ چلایا جائے اور قوم سے حقائق چھپانے والوں کو سخت سزا دی جائے۔ انہوں نے مطالبہ کیا کہ سانحہ میں جاں بحق افراد کے ورثاءکو فی کس 50لاکھ اور زخمیوں کو کم سے کم 10 لاکھ معاوضہ دیا جائے۔
