’قلم تلوار سے زیادہ طاقتور نہیں ‘

مقبوضہ کشمیر سے تعلق رکھنے والی سابقہ بالی ووڈ اداکارہ زائرہ وسیم نے نامعلوم حوالے سے ایک اقتباس شیئر کیا۔

سماجی رابطے کی ویب سائٹ ٹوئٹر پر زائرہ نے لکھا کہ ’ قلم میں تلوار سے زیادہ طاقت نہیں ہے، قلم جنگیں نہیں جیت سکتا اور تلوار شاعری نہیں لکھ سکتی لیکن طاقتور وہ ہاتھ ہے جسے یہ معلوم ہے کہ قلم کب اٹھانا ہے... اور تلوار کب اٹھانی ہے۔‘

یہ بھی پڑھیے: یہ غلط ہے کہ کشمیر میں سکون ہو چکا: زائرہ وسیم

اس سے قبل بھی زائرہ سوشل میڈیا پر مقبوضہ وادی میں بھارتی فوج کی جانب سے انسانی حقوق کی خلاف ورزی کے خلاف اپنی آواز بلند کرتی رہی ہیں۔

انہوں نے مقبوضہ وادی میں انٹرنیٹ بلیک آؤٹ، بد ترین تشدد اور پر آشوب حالات کی مذمت کرتے ہوئے ایک طویل پوسٹ بھی شیئر کی تھی۔

انہوں نے دنیا کو اس بات سے خبردار کیا تھا کہ ’کشمیر میں سب اچھا ہے کی خبروں پر یقین نہ کریں‘ بلکہ سوال پوچھیں، جانبدارانہ مفروضوں کو دوبارہ جانچیں۔

مقبوضہ کشمیر 182روز سے جیل میں تبدیل، پولیس پر دستی بم حملہ، فوج کا وحشیانہ تشدد، متعدد زخمی

سرینگر(نیوز ایجنسیاں)مقبوضہ کشمیر میں سرینگر میں...

یوم کشمیر پر بھارتی فوجیوں نے3 کشمیری نوجوان شہید کردیے

 سرینگر(جنگ نیوز)مقبوضہ کشمیر میں بھارتی فوجیوں...

واضح رہے کہ مودی سرکار نے گزشتہ 186 دنوں سے  80 لاکھ نہتے کشمیریوں کو محصور بنارکھا ہے۔ مظلوم کشمیری، بھارتی ظلم کی چکی میں مسلسل پس رہے ہیں۔