راولپنڈی (نمائندہ جنگ) کبڈی ورلڈ کپ 2020ء کے پانچویں روز بھی مقابلے جاری رہے اقبال اسٹیڈیم فیصل آباد میں پاکستان نے آسٹریلیا کو 62-25 سےشکست دیکر پول بی میں ٹاپ کرکے سیمی فائنل کے لئے کوالیفائی کرلیا ۔ پول بی میں پاکستان اور آسٹریلیا جبکہ پول اے بھارت اور ایران سیمی فائنل میں پہنچ گئے ہیں۔ دوسرے میچ میں بھارت نے سخت مقابلے کے بعد ایران کو 50-39 سے ہرادیا ۔ تیسرے میچ میں جرمنی نے سیرالیون کو 43-14 سے با آسانی مات دی۔