• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیدرلینڈز میں 2 پوسٹ آفسز میں لیٹر بم دھماکے

آج کا اخبار
یورپ سے
14 فروری ، 2020
ایمسٹرڈیم (این این آئی) نیدرلینڈز کے 2 شہروں کے پوسٹ آفسز میں مشتبہ ʼلیٹر بم دھماکے ہوئے تاہم کسی قسم کا جانی یا مالی نقصان نہیں ہوا۔ غیر میڈیا کے مطابق پہلا دھماکا نیدرلینڈ کے دارالحکومت ایمسٹرڈیم میں بدھ کی صبح 8 بجے پوسٹ آفس میں خطوط میں ہوا۔ دوسرا دھماکا نیدرلینڈز کے جنوب میں واقع شہر کرکرادہ کے خطوط علیحدہ کرنیوالی کمپنی کے دفتر میں صبح ساڑھے 8بجے کے قریب ہوا۔ دونوں دھماکوں میں کسی کے بھی زخمی ہونے کی اطلاعات سامنے نہیں آئیں۔ ڈچ پولیس کا کہنا تھا کہ وہ 3 جنوری کو بھیجے گئے ʼلیٹر بم کے حوالے سے تحقیقات کر رہے ہیں جو ممکنہ طور پر ایک ہی شخص کی جانب سے ارسال کیے گئے۔ اس سے قبل ایک ہوٹل، ایک پیٹرول پمپ، ایک گیراج، ایک اسٹیٹ ایجنٹ و دیگر کو بم دھماکے کا نشانہ بنانے کی کوشش کی گئی تھی تاہم کسی بھی واقعے میں بم پھٹ نہیں سکے تھے۔
تازہ ترین