آپ آف لائن ہیں
ہفتہ10؍شعبان المعظم 1441ھ4؍اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

حمزہ شہباز کے جوڈیشل ریمانڈ میں توسیع

چوہدری شوگر ملز کیس اور منی لانڈرنگ کیس میں حمزہ شہبازکے جوڈیشل ریمانڈ میں 28 فروری تک توسیع کر دی گئی۔

احتساب عدالت لاہور میں میں حمزہ شہباز کے خلاف رمضان شوگر مل کیس، آشیانہ کیس اور منی لانڈرنگ کیس کی سماعت جج امجد نذیر چوہدری نے کی، اس دوران حمزہ شہباز عدالت کے روبرو پیش ہوئے جبکہ عدالت میں شہباز شریف کے شریک ملزم بلال قدوری نے بریت کی درخواست دائر کردی۔

سماعت کے دوران عدالت نے نیب پراسیکیوٹر سے درخواست پر جواب طلب کرلیا، عدالت نے استفسار کیا کہ اس کیس کا ریفرنس کی کیا صورتحال ہے؟ جس پر نیب پراسیکیوٹر نے جواب میں کہا کہ ریفرنس تیاری کے آخری مراحل میں ہے۔

حمزہ شہباز کی جانب سے عدالت سے گواہوں کی دستاویزات لینے کی درخواست کی گئی جو عدالت نے مسترد کردی۔

فاضل جج نے سماعت کے دوران استفسار کیا کہ حمزہ شہباز آپ کے پاس اپنا قومی شناختی کارڈ ابھی ہے؟ جس پر حمزہ شہباز کا کہنا تھا کہ میرے پاس شناختی کارڈ ابھی موجود نہیں ہے۔

فاضل جج کی جانب سے سوال کیا گیا کہ آپکا شناختی کارڈ پر نام کیا ہے؟ جس پر حمزہ شہباز جواب میں جج صاحب کو بتایا کہ میرا پورا نام میاں حمزہ شہباز لکھا ہوا ہے۔

عدالت کی جانب سے آئندہ شناختی کارڈ پر نام دیکھ کر حاضری مکمل ہونے کا حکم دیتے ہوئے آشیانہ کیس کی سماعت 27 فروری تک ملتوی کردی۔

احتساب عدالت نے منی لانڈرنگ کیس اور رمضان شوگر مل کیس میں حمزہ شہباز کے جوڈیشل ریمانڈ میں 28 فروری تک توسیع کردی۔

قومی خبریں سے مزید