آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ای او بی آئی کا ریٹائرڈ ملازمین اور ان کی بیواؤں کے لئے بڑا اعلان

ای او بی آئی کا رٹائرڈ ملازمین اور ان کی بیواؤں کے لئے بڑا اعلان


ایمپلائز اولڈ ایج بینیفٹس انسٹی ٹیوشن نے ریٹائرڈ ملازمین اور ان کی بیواؤں کے لیے بڑا اعلان کردیا۔

ای او بی آئی کے مطابق ریٹائرڈ ملازمین یا ان کی بیوائیں اپنی پنشن کے لیے ای او بی آئی کے رجسٹریشن کارڈ یا پرانے یا نئے قومی شناختی کارڈ نمبر کے ذریعہ ای او بی آئی کی ویب سائٹ پر موجود فہرست میں اپنا نام چیک کرسکتے ہیں یا ان دستاویزات کے ساتھ اپنی پنشن کے لیے ای او بی آئی کے نزدیکی دفتر سے رجوع کرسکتے ہیں۔

ای او بی آئی کے اعلان کے مطابق پنشن کی عمر کو پہنچنے والے لیکن لاعلمی کے باعث اب تک اپنی پنشن حاصل نہ کرنے والے ریٹائرڈ ملازمین یا ان کی بیواؤں کے لیے پنشن حاصل کرنے کا نادر موقع ہے۔

ای او بی آئی کے اس اقدام سے ہزاروں ریٹائرڈ ملازمین اور ان کی بیواؤں کو پنشن کا حق حاصل ہوگا۔

ای او بی آئی سے تقریباً 4 لاکھ ریٹائرڈ،معذور ملازمین اور ان کی بیوائیں ماہانہ پنشن حاصل کر رہی ہیں جنہیں پنشن کی مد میں اوسطاً ماہانہ 3 ارب روپے کی خطیر رقم ادا کی جارہی ہے جب کہ حکومت نے جنوری سے کم از کم پنشن 8٫500 کرنے کا اعلان کیا ہے۔

تجارتی خبریں سے مزید