آپ آف لائن ہیں
منگل13؍شعبان المعظم 1441ھ 7؍اپریل2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ٹھٹھہ: محکمہ خوراک کے گوداموں سے گندم کی 10ہزار بوریاں غائب

ٹھٹھہ: محکمہ خوراک کے گوداموں سے گندم کی 10ہزار بوریاں غائب


محکمہ خوراک کے سجاول اور ٹھٹھہ کے سرکاری گوداموں سے گندم کی 10 ہزار سے زائد بوریاں خورد برد کرلی گئیں۔

تحقیقات کے دوران گوداموں سے گندم کی بوریوں سے گھاس اور بھوسہ برآمد ہوا۔

محکمہ خوراک کے سجاول اور مکلی کے سرکاری گوداموں سے 10 ہزار سے زائد گندم کی بوریاں خورد برد کرنے کا انکشاف اس وقت ہوا، جب ان دونوں گوداموں کے انچارچ اور ڈسٹرکٹ فوڈ کنٹرولر کے درمیان تنازع پیدا ہوا۔

سجاول کے گودام سے 6 ہزار 247 اور مکلی کے گودام سے 4 ہزار 485 بوریاں فروخت کردی گئیں۔

ڈسٹرکٹ فوڈ کنٹرولر نزاکت عباسی کا کہنا ہے کہ مکلی کے گودام کے انچارچ یوسف چنہ اور سجاول گودام کے انچارج یاسین شاہ کو معطل کر کے تین رکنی تحقیقاتی کمیٹی تشکیل دے دی ہے۔

تحقیقات کے دوران گودام سے گندم کی بوریوں سے گھاس اور بھوسہ برآمد ہوا۔

ڈسٹرکٹ فوڈ کنٹرولر کا کہنا ہے کہ تحقیقات کیلئے اینٹی کرپشن کو کہا گیا ہے۔

قومی خبریں سے مزید