کیماڑی زہریلی گیس، صوبائی اور وفاقی حکومت کو نوٹس

کیماڑی سے پھیلنے والی زہریلی گیس سے ہونے والی اموات کے نتیجے میں کراچی کے ایک شہری نے سندھ ہائیکورٹ میں درخواست دائر کر دی۔

کیماڑی: زہریلی گیس کہاں سے پھیلی؟ اب تک پتہ نہ چل سکا

کراچی کے علاقے کیماڑی میں 6 زندگیاں ختم کرنے والی زہریلی گیس کہاں سے پھیلی؟ کوئی حکومتی ادارہ اب تک پتہ نہ چلا سکا۔

سندھ ہائیکورٹ نے درخواست گزارعبدالجلیل خان مروت ایڈووکیٹ کی درخواست پر سماعت کے دوران صوبائی اور وفاقی حکومتوں کو نوٹسز جاری کردیئے گئے اور فریقین سے 11 مارچ تک جواب طلب کرلیا ہے۔

کراچی پولیس ،کیماڑی میں زہریلی گیس کے اخراج کا سراغ نہ لگاسکی

پولیس حکام کے مطابق اب تک کوئی واضح چیز سامنے نہیں آئی ،پاک بحریہ اور رینجرز سندھ کی ٹیمیں کام کررہی ہیں۔

درخواست گزار کی جانب سے درخواست میں کہا گیا ہے کہ کیماڑی میں زہریلی گیس کےاخراج سے 6 افراد کی اموات ہوچکیں ہیں جبکہ اب تک تقریباً 100 افراد متاثر ہو چکے ہیں۔

درخواست گزارعبدالجلیل خان مروت ایڈووکیٹ نے اپیل کی ہے کہ واقعے کی شفاف اور مکمل تحقیقات کرائی جائیں، درخواست میں کے پی ٹی، حکومت سندھ آئی، جی سندھ و دیگر کو فریق بنایا گیا ہے۔