• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ سے شکست پر مصباح اور شاداب میڈیا کے سامنے نہ آئے

آج کا اخبار
اسپورٹس
29 فروری ، 2020
  راولپنڈی (نمائندہ خصوصی) پاکستان سپر لیگ میں کوئٹہ گلیڈی ایٹرز کے ہاتھوں شکست کے بعد اسلام آباد یونائیٹڈ کے کپتان شاداب خان پریس کانفرنس میں آئے نہ ہی ہیڈ کوچ مصباح الحق۔ مسلسل دوسرے دن اسپن بولنگ کوچ سعید اجمل نےمیڈیا کے بائونسرز کا سامناکیا۔ ایک صحافی نے سوال داغ دیا کہ کیا شاداب خان کو ڈگ آئوٹ سے کنٹرول کیا جاتا ہے۔ سعید اجمل نے کہا کہ کپتان کو کوئی کنٹرول نہیں کررہا کپتان اندر اور ہم باہر ہوتے ہیں۔ چھ سات اوور بعد ضرورت پڑنے پر پیغام دیتے ہیں۔ انہوں نے کہا کہ عماد بٹ تجربہ کار بولر ہے اسے بولنگ دینے کا فیصلہ درست تھا لیکن کٹنگ غیر معمولی کھیلا۔بولر پلان سے ہٹ گئے تھے۔ اس صورتحال میں کوئی بھی کپتان دبائو میں آجاتا ہے۔ ٹی20 میں چھوٹی سی غلطی میچ سے دور کرجاتی ہے۔
تازہ ترین