فرمان الہی
نماز کے اوقات
گلگت میں روندو کے قریب مسافر بس گہری کھائی میں جاگری، حادثے میں 26 افراد جاں بحق ہوگئے۔
ترجمان گلگت بلتستان حکومت فیض اللہ فراق نے جیونیوز کو بتایا کہ حادثہ بلتستان ڈویژن کے علاقہ روندوکے قریب آیا۔
ذرائع کے مطابق حادثہ کا شکار ہونے والی بس کے مسافر راولپنڈی سے اسکردو جارہے تھے، جب بس روندوکے قریب پہنچی توخوفناک حادثہ پیش آیا اور بس کھائی میں جاگری ۔
گلگت بلتستان حکومت نے بتایا کہ بس میں ڈرائیور سمیت 26 افراد سوار تھے جن کی ہلاکت کی تصدیق ہوچکی ہے۔
حادثے کے فوری بعد جائے حادثہ پر امدادی کارروائیوں کا آغاز کر دیا گیا اور لاشوں کو اسپتال منتقل کیا گیا۔
