کوروناوائرس، شام سےآنیوالے مریض سے ملنے والے بھی متاثر ہوئے

10 مارچ ، 2020

صوبائی وزیر برائے تعلیم سعید غنی کا کہنا ہے کہ شام سے پاکستان آنے والے کورونا وائرس کے مریض سے ملاقات کرنے والے بھی متاثر ہوئے ہیں۔

سینیٹر سعید غنی نے جیو نیوز کے مارننگ شو ’جیو پاکستان‘ میں گفتگو کے دوران کہا کہ ایک کورونا وائرس کا متاثرہ شخص شام سے 10 دن پہلے آیا تھا، اس مریض سے ملنے والے افراد بھی متاثر ہوئے ہیں، کورونا وائرس سے متاثرہ مریضوں سے ملاقات نہیں کرنی چاہیے۔

انہوں نے مزید کہا کہ اسکول بند کرنے کا فیصلہ درست تھا، جب اسکول بند کئے تھے اس وقت کورونا وائرس کا پہلا کیس آیا تھا، پہلے ہمارے پاس صرف ایئرپورٹ سے آنے والوں کی فہرست تھی۔

سعید غنی نے کہا کہ کورونا وائرس سے متعلق جو بھی اعداد و شمار ہوتے ہیں ہم چھپاتے نہیں، دیگر صوبوں میں جو بھی اقدامات ہورہے ہیں ان کی معلومات ملنی چاہیے۔