• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشتو گلوکارہ صوفیہ کیف کی پشاور وزیراعلیٰ ہاؤس میں ٹک ٹاک ویڈیو

آج کا اخبار
دل لگی
13 مارچ ، 2020
اپشاور (مانیٹرنگ ڈیسک)معروف پشتو گلوکارہ صوفیہ کیف کی وزیر اعلیٰ ہاؤس میں ٹک ٹاک ویڈیو سوشل میڈیا پر وائرل ہوگئی۔گزشتہ روز معروف پشتو گلوکارہ صوفیہ کیف نے میوزک سوشل ایپ ٹک ٹاک پر اپنی کچھ ویڈیوز اپ لوڈ کیں جس میں وہ پشاور کے وزیر اعلیٰ ہاؤس میں موجود ہیں۔صوفیہ کیف کی جانب سے ٹک ٹاک اکاؤنٹ پر اپ لوڈ کی جانے والی ایک ویڈیو میں دیکھا جاسکتا ہے کہ وزیر اعلیٰ ہاؤس کے عملے نے گلوکارہ کا استقبال بھی کیا ہے۔گلوکارہ نے اپنے ٹک ٹاک اکاؤنٹ پر ایک گھنٹہ قبل بھی ایک ویڈیو اپ لوڈ کی ہے جس میں وہ ہال کی کرُسی پر بیٹھی ہیں۔دوسری جانب مشیر اطلاعات اجمل وزیر نے جیونیوز سے گفتگو کرتے ہوئے بتایا کہ صوفیہ کیف وزیر اعلیٰ ہاؤس میں نجی ٹی وی کے پروگرام میں آئی تھیں اور اِسی دوران گلوکارہ نے واش روم جاتے ہوئے ہال میں اپنی ویڈیوز بنائیں۔اجمل وزیر نے کہا کہ پروگرام وزیراعلیٰ ہاؤس کے لان میں رکھا گیا تھا۔واضح رہے کہ اِس سے قبل حریم شاہ کی اسلام آباد کے اعلیٰ سرکاری دفتر میں کچھ ویڈیوز اور تصاویر منظرِ عام پر آئیں تھی۔
تازہ ترین