میامی ( جنگ نیوز) ٹینس اسٹار وکٹوریہ آزارینکا کی شاندار کارکردگی کا سلسلہ جاری ہے اور انہوں نے انڈین ویلز کے بعد میامی اوپن کا ٹائٹل بھی اپنے نام کرلیا، اس طرح وہ ایک برس میں دونوں ٹورنامنٹ جیتنے والی دنیا کی تیسری پلیئر بن گئی ہیں۔ فائنل میں بیلاروس کی وکٹوریہ آزارینکا نے روسی حریف سویتلانہ کزنٹسووا کو اسٹریٹ سیٹس میں شکست دی اور ٹائٹل اپنے نام کیا، ان کی جیت کا اسکور 6-3 اور 6-2رہا۔ واضح رہے کہ دو ہفتے قبل آزارینکا نے انڈین ویلز کے فائنل میں ورلڈ نمبر ون امریکا کی سرینا ولیمز کو شکست سے دوچار کیا تھا۔ اس طرح وہ ایک برس میں دونوں ٹورنامنٹ جیتنے والی دنیا کی تیسری کھلاڑی بن گئی ہیں۔ دوسری جانب پیری ہربرٹ اور نکولس ماہوٹ نے میامی اوپن مینز ڈبلز کا ٹائٹل جیت لیا،فرنچ جوڑی نے فیصلہ کن معرکے میں راون کلیزن اور راجیو رام کو شکست دی۔ فرانس کے پیری ہربرٹ اور نکولس ماہوٹ نے جنوبی افریقہ کے راون کلیزن اور امریکا کہ راجیو رام کو دلچسپ مقابلے کے بعد 2-1 سے شکست دی اور ٹائٹل اپنے نام کیا، پہلا سیٹ 5-7 سے ہارنے کے باوجود فرنچ جوڑی نے شاندار کم بیک کیا اور اگلے دونوں سیٹ بالترتیب 6-1 اور 10-7 سے جیت کر کامیابی حاصل کر لی۔
فرمان الہی
نماز کے اوقات
