• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں چوری کی 4وارداتوں میں لاکھوں کی نقدی و سامان چوری

میرا شہر
پشاور
16 مارچ ، 2020
پشاور(کرائم رپورٹر)صوبائی دار الحکومت پشاور میں چوری کی 4وارداتوں میں لاکھوں روپے مالیت کا سامان چوری کر لیا گیا ۔فیصل شہزاد ولد خالد پرویز سکنہ ڈیفنس آفیسرز کالونی نے تھانہ مچنی گیٹ پولیس کو بتایا کہ گزشتہ دنوں وہ اپنی گاڑی صاف کررہاتھا کہ اس دوران اسکا قیمتی موبائل فون سیٹ چوری کر لیا گیا تھا جس پرپولیس نے ملزم کی تلاش شروع کی تھی گزشتہ روز پولیس نے سائنسی خطوط پرکی جانے والی تفتیش کے دوران ملزم کا سراغ لگا کر ثناء اللہ ولد سبحان اللہ سکنہ غریب آباد کے خلاف مقدمہ درج کر لیا ادھر تھانہ ٹائون کی حدود یونیورسٹی روڈ پر اویس محمد ولد صاحب محمد سکنہ ارباب روڈ سے ٹیکسی موٹرکار میں موبائل چوری کر لیا گیا تھا تاہم پولیس نے سراغ لگا کر اعجاز احمد ولد غلام رسول کے خلاف مقدمہ درج کر لیا جبکہ تھانہ آغہ میر جانی شاہ کی حدود توحید آباد میں معتبر خا ن ولد گل زرین کے گھر کے سامنے سے اس کی موٹرسائیکل چوری کر لی گئی ۔تھانہ ہشت نگری کی حدود سکندر پورہ میں چوروں نے ذاکر خان کے گھر سے بارہ لاکھ روپے کی نقدی اور دوسر ی اشیاء چوری کر لیں پولیس نے الگ الگ رپورٹیں درج کر لیں ۔
تازہ ترین