آپ آف لائن ہیں
اتوار11؍شعبان المعظم 1441ھ 5؍اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

جونیئر ایشیا کپ ہاکی بھی کورونا وائرس کی نذر

کراچی (اسٹاف رپورٹر) ایشین ہاکی فیڈریشن نے رواں سال جون میں ڈھاکا میں کھیلا جانے والا جونیئر ایشیا کپ ہاکی ٹور نامنٹ ملتوی کردیا ہے، ایشین ہاکی فیڈریشن کے حکام کا کہنا ہے کہ میزبان بنگلہ دیش ہاکی فیڈریشن نے کورونا وائرس کی وجہ سے موجودہ حالات میں اس مقابلے کو آگے بڑھانے کی درخواست کی تھی ،جبکہ کئی ایشیائی ملکوں کے ہاکی حکام کو بھی اس بارے میں تشویش تھی۔ روایتی حریف پاکستان اور بھارت سمیت دس ملکوں کی ٹیموں کا یہ ایونٹ اب آئندہ سال ہو گا۔ جونیئر ہاکی کپ ڈھاکا میں چار سے بارہ جون تک کھیلا جانا تھا، ایونٹ میں پاکستان، بنگلہ دیش، بھارت، جاپان، ملائیشیا، جنوبی کوریا، چین، تائیوان، اومان اور ازبکستان کی ٹیموں نے شرکت کرنا تھی۔ جونیئر ایشیا کپ اگلے سال شیڈول بھارت میں ہونے والے جونیئر ورلڈکپ کا کوالیفائر ایونٹ بھی تھا۔ اس سے پہلے اذلان شاہ ہاکی کپ ٹورنامنٹ بھی کورونا وائرس کی وجہ سے ملتوی کر دیا گیا تھا۔ جس کا میزبان ملائیشیا ہے ۔

اسپورٹس سے مزید