کورونا سے دنیا میں 21302، امریکا میں 1032 ہلاکتیں

دنیا بھر میں کورونا وائرس کے مریضوں کی تعداد 472037 ہو گئی جبکہ یہ موذی وائرس اب تک 21302 افراد کی جان لے چکا ہے۔

ملک بھر میں کورونا وائرس کے کیسز کی تعداد 1102 ہوگئی

بلوچستان میں کورونا وائرس کے نئے 12 کیسز سامنے آنے کے بعد صوبے میں کل کیسز 131 جبکہ ملک بھر میں 1102 ہو گئے۔

کورونا وائرس سے امریکا میں صورتِ حال خراب تر ہوتی جا رہی ہے جہاں آج ریکارڈ 252افراد ہلاک ہو گئے جس کے بعد امریکا میں اس وائرس سے ہلاک ہونے والے افراد کی مجموعی تعداد 1 ہزار 32 ہو گئی۔

امریکا میں آج ہی کورونا کے 13 ہزار سے زائد نئے کیسز بھی سامنے آئے ہیں جس کے ساتھ امریکا بھر میں مجموعی کیس 68489 ہو گئے۔

صرف نیویارک میں کورونا وائرس سے ہلاک افراد کی تعداد 366 ہے جبکہ33013 افراد اس سے متاثر ہیں۔

واشنگٹن میں تمام غیر اہم کاروباری مراکز24 اپریل تک بند کر دیئے گئے ہیں۔

یہ بھی پڑھیئے: فرانس میں کورونا سے خاتون سمیت 3 پاکستانی جاں بحق

امریکا میں کورونا وائرس کے شکار ہونے والے 394 افراد اب تک صحت مند ہو چکے ہیں۔